陳奐仁肥仔變肌肉男 娛樂圈仲有邊位成功例子

震撼全港700萬人的故事！@陳奐仁hanjin 努力健身，由小胖型中佬變身做大隻肌肉男！唱作人陳奐仁，昨日在個人Facebook專頁發片，Hanjin赤膊堅持玩戰繩，一身肌肉視人，結實胸肌和麒麟臂當然走唔甩，一臉認真運動Look簡直迷倒少女中女，Hanjin在留言還寫「我都認唔到自己。I don"t even recognise myself!」。

陳奐仁肥仔變肌肉男 娛樂圈仲有邊位成功例子

正所謂成功需苦幹，做Gym有如吸濕大笨象一樣，要達到最佳效果，係需要花多點時間嘅！陳奐仁用幾個月時間猛操肌肉，這種地獄式減肥大法，考驗體能、耐力、膽量。除了陳奐仁換人之外，娛樂圈也有不少由肥仔變身做型肉猛男的流口水例子。女士們，記得要好好愛鍚身邊嘅肥仔呀！

去年八月（左）的陳奐仁接受《叱咤樂壇》訪問，邊個估到而家變成大隻佬？

?【杜汶澤】

杜汶澤由電視轉戰影壇，一向都予人胖胖的感覺，例如2010年電影《人間喜劇》，戲中的阿澤衣衫不整，露出巨大肚腩，可能是阿澤體型最肥胖的時期之一。2013年，杜汶澤拍攝《豪情3D》，他用了至少半年時間激瘦數十磅，加上健康飲食，在社交網站大騷人魚線肌肉照，盡顯自信的一面。之後更接拍活髮廣告，繼續在廣告裡騷全身肌肉，咪話唔型！現在阿澤依然積極健身，在教練的指導和恆常操練下，身材無走樣而且更健碩！

唔好睇少阿澤，而家依然Keep住操Fit自己，不之幾型！

【森美】

森美主持的電台節目，小編真係由小學聽到大！九十年代尾至千禧年初，已經是電台界名嘴的森美，雖然熱愛籃球運動，但當時他還是170多磅的肥仔。之後為了拍攝《我要做Model》及《甜絲絲》努力勁減數十磅，換來一身肌肉。去年電視劇《誇世代》還有Fit爆演出，森美為了拍攝和陳豪打拳的一幕，練出一副絕世好body，健碩身形不比陳豪輸蝕，而且相比04年為拍戲成功減磅的他，更添男士魅力。

有冇人仲記得當年森美嘅肥仔樣？

?【張建聲】

演員張建聲（Justin）6年前作品《一路向西》演出深受好評，2015年接拍《壹獄壹世界：高登闊少踎監日記》，飾演呂文積一角，需要增肥至200磅，由於體重過胖，當時建聲接受傳媒訪問時，坦言因此致長脂肪瘤，需要做手術割掉。之後為拍廣告及其他電影劇集，再減去數十磅，勤力操Fit成功變身肌男。不過這種「過山車」變體格法還未完，早前Justin又為拍電影《真 ? 三國無雙》飾演張飛而再次增肥，電影煞科後又要健身減肥，張建聲肯為藝術犧牲，真係要畀個「服」字！

張建聲經常為拍戲而要作出犧牲，增肥再減肥，真係要畀個Like佢！

?【陳智燊】

今年踏入40歲的電視台小生陳智燊（Jason），雖然已經與宋熙年結成夫妻，不過在港女的心目中，Jason依然是夢想男神，能操流利英語國語、碩士畢業，而且高大有型。不過原來Jason童年時都是位小胖子。去年Jason老婆宋熙年在instagram上載一張老公陳智燊的童年照，當年的他一臉圓潤、戴上金絲眼鏡，完全不似現在的Jason。現在陳智燊經常在instagram發運動相，身形比以前更實淨，擁有40吋胸肌，各位中佬，係時候努力做運動喇！

陳智燊簡直係電視界完美男神，不過已經結咗婚。